第二篇：老友鬼鬼篇

初中呢三年，所认识既朋友真系比较多，记得张菁曾经讲过，初中系朋友系最好既朋友，的确，系高中既时候慢慢发觉佢真系讲得好岩，所以我一定会好好真系我既朋友！

初一一入学，熙叔就坐系我后边（真系缘分），而坐系前边既系孙嘉辉，17中兴单人单桌，所以我无隔离位，因此最先识既男性朋友应该系佢地，佢地两个都好好玩，成日有倾有讲，又讲得笑。后黎唔知几时调左位之后就出事啦，因为坐系我前边果个系高嘉杰，之后D风风雨雨就开始黎咯，D人都无解既，梗系都要传我地两个有野，仲要传足三年，毕业之后阿奶都仲系度讲，真系晕低，不过最记得既系高嘉杰有一次踢波整亲只手整到好伤，好在而家无乜事咋!系我既记忆中第三个坐系我前边既男仔系兴哥，其实果阵已经系初三，因为我记得已经搬左去新楼，果个时候我地都已经熟落左，所以佢坐系我前边我真系好开心噶，成日都有倾有讲，最记得既系佢成日都会迟到，同埋佢张台同柜筒甚至地下永远都系乱七八糟，我都服左佢咯。同庭庭做得成朋友真系要多谢张菁，如果唔系佢既话我觉得我地唔一定会甘FRIEND，但系同佢既关系却令到阿阮误会左我，其实我觉得做成呢个误会同果D成日系度讲是非既八婆有好大关系，好玩唔玩，玩挑拨离间，真系好Q憎佢地果D甘既人！我同庭庭大家一齐做野甘就梗系要多D沟通噶啦，甘大家夹得埋，又岩KEY，甘就好自然会做朋友噶啦，大家顺路米放学一齐走咯，讲到我好似唔知系度做乜甘～痴线噶！讲真，到而家对呢件事我都仲系好嬲，虽然无人当住我面正正式式同我讲过D乜，但系明眼人一睇就知发生咩事啦，而且果D路边社消息又传得甘快，唔系都俾D八婆讲到系啦！真系好嬲～好嬲！

至于几时开始同阿阮阿沈佢地熟就真系唔记得啦，总之从第二次去旅行开始我就唔系同球月佢地玩而家同左沈、阮、咸鱼同阿施，而家睇翻D相突然发觉沈果阵个样好Q（得闲俾你睇啊下）……

呢三年里面有一个人不得不提起，佢就系钟捷彬，我都觉得有时世事真系好奇怪，以前成日都俾佢激到我扎扎跳，成日都谂住快D唔使对住呢个人就好啦，点知到毕业之后居然我同佢可以有计倾，而且仲系几好倾果只添，真系其哉怪也～

其实写到呢度发现原来有好多野都已经唔记得晒啦，所以写得比较粗略，将就一下啦！