第一篇：工作篇

    最初编班既时候我系编去5班（重点班噢）不过其实都系乱编既姐，后黎要考入学试，考完之后我分左去7班，班主任系教数学既叫张菁，最初佢稳我做英语科代，的确果阵我英文成绩唔错，而且我都几中意呢一科，英文老师系隔离班既班主任，姓刘既，但系佢好似教左一年之后就调走左了，所以对佢印象唔系好深，但系佢真系一个好好既英文老师，后黎果两个就真系好唔掂咯，如果佢唔系走左既话，可能我会学得好语法！大概过左半个学期左右，老师搞班干选举，唔知点解果阵有一种莫明既冲动想去做生活委员，于是好大胆甘走上去个台度讲，最后结果系我身兼两职——英语科代&生活委员！当时我既拍档系余佬同孙嘉辉，一直到初三毕业佢地都系系呢个岗位上工作着～

班干选举后无几耐（其实我都已经唔记得系几时，不过庭庭话系呢个时候就当佢系啦）有一日上完数学课，张菁叫左我同庭庭去佢办公室，当其时我地都好疑惑，一个英语科代，一个数学科代，叫我地去做咩呢？而且当时我地两个又唔系好熟，去到之后佢话想我地两个做班长，叫我地星期六日翻去考虑一下，果阵一听完之后我真系吓左一跳，班长窝？我有无听错啊？我得咩？我有甘既能力咩？一直以来我都系觉得班长系要果D好叻好叻好叻既人先做得，但系既然老师叫到甘米试下咯，如果到时唔得既话老师都会换人啦，所以由果日之后既下一个星期一开始庭庭同我正式成为左7班既班长一直到毕业，英语科代同数学课代就由原来既班长接替，至于生活委员一职我就真系唔系好记得咯，我净系记得孙嘉辉系一直做到最后，至于佢既新拍档系边个？我要稳佢考证一下先知，其实一直以黎对住童思敏都觉得好唔好意思，因为大家系小学既同学，无啦啦我做左人地个位，所以后黎都无点同佢交流！

其实呢个班长做起身都觉得几辛苦，因为有时候有好多野都唔想揸正黎做，因为甘样既话大家都会对你反感，但系有时唔揸正呢，老师又会对你有意见，所以真系左右做人难～

同庭庭合作其实真系几开心，几好玩，佢做野乜都无所谓，求求其其，而我就想认真D做得好D，所以真系有几多火花，如果唔系甘，可能我地都做唔到朋友～